TAREA 29 - LLINGUA Y CULTURA ASTURIANA / PLÁSTICA: Pegarata y güevos pintos

En esta página se pueden ver y descargar algunas fichas relacionadas con estas fechas de Pascua y sus tradiciones en Asturias.

Hay fichas para leer y fichas para colorear.

   

 

Guëi, como tolos martes de Pascua, celébrase en La Pola Siero el día los Güevos Pintos.

Sobre l’orixe de la fiesta namás tenemos hipótesis, pero lo que sí se pue asegurar ye que ta venceyáu a la tradición pagana na que’l güevu simboliza’l nacimientu de la vida y, nesti casu, de la primavera. Esta tradición tamién se conoz n’otros países de Centroeuropa, Grecia o China, polo que gana fuercia la hipótesis que defende qu’esta tradición pudiera venir cola xente que, acullá nel sieglu XIX, vieno a trabayar a les mines.

Anguaño, magar que seya una fiesta pagana, el día arranca cola bendición de los güevos, un actu que dende va unos años vien faciéndose n’asturianu.

Hai que destacar el predominiu de la muyer nesta celebración, mesmo na preparación de los bollos preñaos, empanaes y tortielles – un trabayu que tradicionalmente taba venceyáu a les muyeres, anque por suerte, los roles van cambiando col tiempu- que na decoración y venta de los güevos, onde la presencia femenina entá sigue siendo muncho mayor.

Los güevos que se pinten en La Pola son, normalmente, de coría, polo que ye vezu qu’unos meses enantes de pintar los güevos, les artistes yá los tengan apallabraos. De toes formes, al facer un percorríu pelos puestos que se ponen xunto a la casa conceyu puen atopase güevos de pita, gansa, cogorniz o avestruz.

Nos años últimos nun se pue falar d’un procesu únicu de preparación de los güevos, yá que col tiempu les técniques foron avanzando. Lo que sí se sabe ye que quiciabes la forma más tradicional seya esta: a lo primero llávase bien el güevu pa quitá-y la gallinaza y píntase un esquema de lo que va ser el motivu d’esti. Dempúes métese’l güevu n’agua frío y ponse a cocer seliquino. En cociendo’l güevu yá se pue empezar a pintar. Hai que dicir que cuando ta caliente ye cuando garra meyor la pintura. De toes formes, les técniques avancen y nos años últimos dalgunes artistes vacíen los güevos con una xeringa enantes de pintalos pa que nun pudran y duren más.

Pela tardi, la celebración sigue col desfile tradicional al que se-y pon el ramu col baille de la Danza Prima.

Equí vos dexamos un exemplu de cómo se pinta un güevu y animámosvos a toos y toes a que nos mandéis una semeya del vuestru à OFICINA DE NORMALIZACIÓN LLINGÜÍSTICA DEL AYUNTAMIENTU DE XIXÓN. 

Podéis manda-ylos a Llucía al wasap que s'encargará de facelos llegar al Ayuntamientu.

YE UNA XERA VOLUNTARIA, pero prestará ver lo guapos que quedarán...